Jul 18, 2011

CHEKI NA HIZO BASI

ZANZIBAR

KATIKA KUKABILIANA NA BAADHI YA MICHANGO ISIYOKUWA YA LAZIMA AMBAYO IMEKUA IKITOZWA MASHULENI, WIZARA YA ELIMU NA MAFUNZO YA AMALI YA SERIKALI YA MAPINDUZI ZANZIBAR, INAJIANDAA KUUNDA MUUNDO MAALUM, UTAKAO TOA MWONGOZO JUU YA KAZI ZA UCHANGIAJI WA WIZARA HIYO.

HAYO YAMEELEZWA HII LEO NA NAIBU WAZIRI WA ELIMU NA MAFUNZO YA AMALI, ZAHRA ALI HAMAD, WAKATI AKIJIBU HOJA MBALIMBALI ZILIZO ELEKEZWA KATIKA WIZARA YAKE NA WAJUMBE WA BARAZA LA WAWAKILISHI.

MUONGOZO HUO UNAKUJA BAADA YA KUSIKIKA KWA KILIO CHA WANAFUNZI,KUWA WAMEKUA WAKIKATAZWA NA WALIMU KUENDELEA NA MASOMO KWA SABABU ZA KUSHINDWA KULIPIA FEDHA ZA MICHANGO YA ELIMU.

NAIBU WAZIRI WA ELIMU AMEBAINISHA KUA MICHANGO WANAYOPASWA KUTOZWA WAZAZI NA WALEZI WA WANAFUNZI, NI ILE TU AMBAYO IMEPITISHWA NA WIZARA YA ELIMU, KAMA KUCHANGIA SIKU YA WALIMU DUNIANI NA MICHANGO YA MWENGE AMBAYO HAITAKIWI KUZIDI SHILINGI ELFU TANO.

AIDHA WAZIRI AMEWATA WAZAZI KUTAMBUA KUWA KUCHANGIA MAENDELEO YA SHULE NI WAJIBU WAO, HIVYO NIVYEMA WAKAWA WEPESI KATIKA KUCHANGIA MICHANGO INAYOKUBALIKA KISHERIA, ILI KUHAKIKISHA WATOTO WANAPATIWA ELIMU ILIYOBORA.

AKIZUNGUMZIA TATIZO LA UHABA WA WALIMU NAIBU WAZIRI WA ELIMU AMESEMA, WIZARA ITAJITAHIDI KUZIBA MAPUNGUFU YALIYOPO.

PIA AMEISHAURI WIZARA KUPITIA KUVIPITIA VYUO VYA KURAANI NA MADRASA ILI IWEZE KUVIPATIA NYENZO ZA KUFUNDISHIA IKIWA KWA SASA WANATEGEMEA KUTAFUTA VIFAA HIVYO KUPITIA WAHISANI MBALIBALI.

WILAYA YA MAGHARIBI UNGUJA

WANANCHI WA SHEHIYA YA MAUNGANI WILAYA YA MAGHARIBI UNGUJA, WANAIOMBA KAMPUNI YA MTANDAO WA MAWASILIANO YA SIMU ZA MKONONI YA ZANTEL, KUFANYA JUHUDI YA KUWAEKEA MNARA KATIKA SHEHIYA YAO ILI KUWEZA KUPATA MAWASILIANO MAZURI.

HAYO YAMEBAINIKA WAKATI CHUCHU FM ILIPOFIKA KATIKA SHEHIYA HIYO, NA WANANCHI HAO WAMESEMA KWA MUDA MREFU WAMEKUWA WANAKABILIWA NA TATIZO LA MAWASILIANO YA ZANTELI HALI AMBAYO IMEKUWA INAWAPA USUMBUFU MKUBWA.

NAE SHEHA WA SHIYA HIYO ALI KIBWANA JUMA, AMESEMA NI KWELI TATIZO HILO LIPO NA TAYARI AMESHAPELEKA MALALAMIKO KWA KAMPUNI HIYO, LAKINI HADI SASA BADO HAKUNA HATUWA ZOZOTE ZILIZOCHUKULIWA.

AIDHA SHEHA HUYO AMESEMA WAKATI MWENGINE HUTOKEA MATATIZO MBALIMBALI YAKIWEMO UHALIFU, LAKINI HUSHINDWA KUTOWA TAARIFA ZA HARAKA KATIKA SEHEMU HUSIKA KUTOKANA NA UGUMU WA MAWASILIANO HAYO.

HATA HIVYO SHEHA HUYO AMESEMA WAO WAPO TAYARI KUSHIRIKIANA NA KAMPUNI HIYO,ILI KUHAKIKISHA KUWA TATIZO HILO LINAONDOKA NA KUWEZA KUPATA MAWASILIANO MAZURI KAMA WAVYOPATA WAKAAZI WA SHERIYA NYENGINE.

DODOMA

MJADALA WA BAJETI YA WIZARA MUHIMU KWA MAENDELEA YA TAIFA YA NISHATI NA MADINI, UNATARAJIWA KUMALIZIKA USIKU HUU, AMBAPO WAZIRI WILIAM NGELEJA AMESHAURIWA KUTAFUTA SULUHISHO LA KUDUMU KATIKA KUONDOKANA NA TATIZO LA MGAO UMEME.

PAMOJA NA KUELEKEA KUMALIZIKA KWA MJADALA WA BAJETI HIYO, KUNAHATI HATI KUBWA YA KUTOPITISHWA KWA KWAKE KUTOKA NA WABUNGE KUONEKANA KUTORIDHIKA NA MAKADIRIO YA MAPATO NA MATUMIZI WIZARA HIYO.

WABUNGE WALIOWENGI WAMEBAINISHA VIPENGELE MUHIMU AMBAVYO VIMETAJWA KUWA SABABU ZA KUTOPITISHWA KWA BAJETI HIYO, KUWA NI TATTIZO LA MGAO WA UMEME,WIZI WA MADINI NA MIKATABA MIBOVU PAMOJA NA ENEO LA GESI NA MAFUTA, MAENEO AMBAYO WAMEIUTAKA SERIKALI KUYAFANYIA MABADIRIKO YA MIKATABA.

AIDHA WABUNGE WAMEILAUMU SERIKALI KUWA HAIWAPI WANANCHI KIPAUMBELE KATIKA KUNUFAIKA NA MAENEO YA ARDHI ZAO BADALA YAKE IMEKUA IKIRUHUSU WATAFI KUJA NA WATAALAM PAMOJA NA WAFANYAKAZI NJE NAKUWAPATIA AJIRA HUKU WAZAWA WAKIBAKI BILA AJIRA.

KATIKA KUKABIULIANA NA CHANGAMOTO ZOTE HIZO SERIKALI IMESHAURIWA KUTOTAPA KIGUGUMIZI KATIKA KUSIMAMIA NA KUTEKELEZA SHERIA ZA NCHI, AMBAPO WIZARA YANISHATI NA MADINI IMTAKIWA KUACHANA NA MITAMBO YA KUKODI BADALA YAKE ITAFUTE MITAMBO IMARA NA YAKUDUMU.

MJADALA WABAJETI WA BAJETI HII, NIMIONGONI MWA MIJADALA MIKUU ILIYOKUWA IKISUBIRIWA KWA HAMU NA WANANCHI, AMBAPO MPAKA UNAKWENDA KUMALIZIKA WABUNGE WAMEONEKANA KUMUWEKA KATIKA WAKATI MGUMU WAZIRI WA WIZARA HIYO WAILAM NGELEJA.

UNAENDELEA KUSIKILIZA TAARIFA YA HABARI KUTOKA HAPA CHUCHU FM 
 

ZIFUATAZO SASA NI HABARI ZA KIMATAIFA.

TRIPOLI

MAPAMBANO MAKALI KUUWANIA MJI WENYE UTAJIRI WA MAFUTA WA BREGA BADO YANAENDELEA NCHINI LIBYA.

MSEMAJI WA WAASI WA LIBYA, MOHAMMED ZAWI, AMESEMA LICHA YA WAO KUFANIKIWA KUINGIA KATIKA MJI HUO, BADO HAWAJAFANIKIWA KUUDHIBITI WOTE KUTOKA KWA WANAJESHI WA GADDAFI.

TANGU MAPIGANO KUUPIGANI MJI HUO YAANZE ALHAMISI ILIYOPITA, JUMLA YA WAPIGANAJI 15 WAMEUAWA NA WENGINE 274 WAMEJERUHIWA.

WAKATI MAPIGANO MAKALI YAKIENDELEA KATIKA MJI HUO WA BREGA, MFULULIZO WA MIRIPUKO IMEUPIGA MJI MKUU WA LIBYA, TRIPOLI, BAADA YA KIONGOZI WA NCHI HIYO MUAMMAR GADDAFI KUAPA KWAMBA KAMWE HATAJIUZULU NA KUKIMBILIA UHAMISHONI.

WAKATI HUO HUO, URUSI LEO IMEIKOSOA MAREKANI NA NCHI NYINGINE KWA KULITAMBUA BARAZA LA MPITO LA WAASI WA LIBYA KAMA SERIKALI HALALI KWA KUSEMA KWAMBA NI KUEGEMEA UPANDE MMOJA KATIKA VITA VYA WENYEWE KWA WENYEWE.

CAP TOWN

RAIS OBAMA AMESEMA MANDELA NI NEMBO YA DEMOKRASIA DUNIANI

NELSON MANDELA AMBAYE KWA SASA NI MYONGE KIAFYA AMEKUWA CHINI YA UANAGILIZI WA KARIBU KUTOKA KWA MADAKATARI KWA MUDA WA SAA 24 TANGU ATOKE HOSPITALI MWEZI JANUARI PALE ALIPOLAZWA BAADA YA KUUGUA.

LAKINI HALI HII HAIJAWAZUIA RAIA WA AFRIKA KUSINI NA WATU WENGI DUNIANI KUMTAKIA KHERI NJEMA ANAVYO SHEHEREKEA MIAKA 93 TANGU AZALIWE.

KATIKA KUADHIMISHA SIKU HII, NYIMBO MAALUM IMETUNGWA KWA HESHIMA YAKE, RAIA WA AFRIKA KUSINI WAMEWEKA HISTORIA AMBAPO YAMKINI WATU MILIONI 12 WAMEIMBA WIMBO HUO KWA WAKATI MMOJA.

SHIRIKA LA UTANGAZAJI NCHINI HUMO (SABC) PAMOJA NA IDARA YA ELIMU WAMEFANYA MPANGO KUWA ILIPOTIMU SAA MBILI NA DAKIKA ASUBUHI, WANAFAUNZI KATIKA SHULE ZOTE NCHINI HUMO WALIIMBA WIMBO HUO MAALUM ULIOTUNGWA KWA HESHIMA YA MADIBA.

SIKU HII YA KUZALIWA KWA NELSON MANDELA, RAIS WA KWANZA MWEUSI WA AFRIKA KUSINI NI SIKU YA KIMATAIFA ILIORODHESHWA NA UMOJA WA MATAIFA.

NCHINI AFRIKA KUSINI HII LEO KILA MTU AMEJITOLEA DAKIKA 67 ZA MUDA WAKE WA KUFANYA HUDUMA ZA KIJAMII.

VIONGOZI MBALI MBALI DUNIANI WAMEMTUMIA SALAMU ZA KHERI NJEMA MZEE MANDELA WAKIONGOZWA NA RAIS BARACK OBAMA WA MAREKANI.

RAIS OBAMA AMESEMA MANDELA NI NEMBO YA DEMOKRASIA NA HAKI DUNIANI NA AMEMSHUKURU KWA KUJITOLEA MAISHA YAKE KWA HUDUMA YA JAMII.

KIONGOZI HUYO WA MAREKANI AMESEMA MANDELA ATAACHA URITHI WA BUSARA, NGUVU NA FADHILA NYINGI.

No comments:

Post a Comment